A CIG anima aos pacientes a presentar reclamacións cando sufran demoras

Os representantes do sindicato CIG no hospital comarcal responderon ás declaracións dos responsables do centro sobre a redución das listas de espera afirmando que, aínda que aumentou a actividade cirúrxica, a demora para comezar os tratamentos de rehabilitación é actualmente de máis de sete meses. Así mesmo, aseguran as as patoloxías graves teñen listas de espera de catro meses e as moi graves, de máis dun mes.