Galicia é a terceira comunidade na que máis crece o gasto

A Consellería de Sanidade é consciente de que o gasto farmacéutico está desbocado. O ano pasado lanzou unha campaña para aforrar desde a prescrición en atención primaria. Pero o impacto económico dos medicamentos que financia o Sergas seguiu subindo. Así, entre xaneiro e xuño, o custo da farmacia galega superaba xa os 475 millóns de euros e crecera un 5,3% con respecto ao primeiro semestre do pasado ano. A comunidade, segundo eses datos, facilitados polo Executivo central, é a segunda de España na que máis aumenta o gasto en fármacos subvencionados.