O sindicato médico CESM denuncia precariedade laboral no Chou, cuxa dirección o nega

O Sindicato Médico Profesional CESM asegurou onte, a través dun comunicado, que a Oferta Pública de Emprego (OPE) non supuxo un incremento significativo nos persoais dos distintos servizos do Complexo Hospitalario de Ourense. «Denunciamos, unha vez máis, o 'despedimento' xa levado a cabo e non xustificado pola incorporación de prazas con motivo da oferta da OPE», sinalaron. Os responsables do sindicato afirmaron que a diminución de efectivos afecta a 14 facultativos e sinalan, ademais, a «extrema precariedade» doutros 31 médicos. Advirten de que esta situación pode traducirse en sobrecarga asistencial e demandan contratos estables.