Feijoo espera que no se formalice el recurso contra el catálogo de medicamentos

O presidente da Xunta indicou que o Goberno galego o que quere trasladar e transmitir é que «non temos ningún interese en invadir cuestións competenciais».

La Voz de Galicia

O presidente da Xunta, Alberto Núñez Feijoo, espera que non se formalice» o recurso de inconstitucionalidade «co que se ameaza» ao Parlamento de Galicia polo catálogo de xenéricos desta comunidade.

Así o declarou ante os medios en Monforte de Lemos (Lugo), onde esta mañá acudiu a visitar a residencia de maiores desta localidade.

«Ese recurso de inconstitucionalidade co que se ameaza ao Parlamento galego, que é o que aproba a lei, espero e desexo que non se formalice», concretou.

Indicou logo que o Goberno galego o que quere trasladar e transmitir é que «non temos ningún interese en invadir cuestións competenciais», pero remarcou que co aforro do catálogo «cada 15 días pódese construír unha residencia como a de Monforte».

Partindo deste dato, Núñez Feijoo dixo que «está moi claro, polo tanto, que non queremos un diñeiro para aforrar, senón para investir noutras necesidades, e no ámbito dos servizos sociais temos moitas necesidades».