A enfermeira que cometeu o erro que matou a un bebé está de baixa e moi afectada

Pola súa banda, a enfermeira á que se atribúe cometer o grave erro de inxectarlle un fármaco que ía a destinado á parturienta -un vasoconstrictor que se aplica á case totalidade das mulleres que acaban de dar a luz para cortar as habituais hemorraxias que se producen tras o alumeamento- áchase moi afectada polo ocorrido. A traballadora sanitaria foi dada de baixa médica o mesmo día dos feitos. Segundo varias fontes, foi ela mesma a que se deu conta do accidente e informou ao instante ás outras persoas que se atopaban no paritorio. É unha profesional contratada, pero que xa posuía traxectoria hospitalaria e non era a primeira vez que se incorporaba a un servizo no hospital. É dicir, contaba con experiencia.