Piden investigar se o Sergas prima aos médicos que dan altas

O Hospital da Costa afirma que é “falso” que prime os doutores e ‘Pachi’ di que “a denuncia nace de médicos” do centro

 

“Unha investigación oficial da Xunta”. É a reclamación que, a través do deputado Abel Losada, formulou onte o PSdeG tras a auténtica treboada política xurdida tras a denuncia de Manuel Pachi Vázquez, segundo a cal os médicos que realizan quendas extraordinarias de tarde –as coñecidas como peonadas–no Hospital da Costa, en Burela, cobrarían 30 euros por paciente consultado se este recibe a alta, e 20 se o doente continúa no sistema, á espera de probas complementarias ou dunha nova consulta.

 

Feijóo, irritado ante unha “gravísima acusación falsa”

Unha investigación pode mellorar a imaxe do Sergas