A Xunta non confirma se o problema da auga atrasará a apertura do Hula

A data de apertura do novo hospital de Lugo (Hula), que estaba prevista para o próximo día 22, está a día de hoxe no aire. A Xunta condiciona o inicio do traslado a que o Concello cumpra cos cambios pedidos recentemente na subministración de auga, unha modificación que a administración local en principio está disposta a asumir a pesar de que, recalca, «o hospital ten auga e pode funcionar a pleno rendemento. Se calquera atraso hai na apertura non é pola auga, que quede claro», afirmou o concelleiro de infraestruturas, José Piñeiro.