Feijóo fai un chamamento para manter a sanidade pública

Na posta de longo do Hospital de Lugo, aposta polo "uso racional dos servizos e dos recursos, para buscar a máxima eficiencia na xestión" ·· Pide tamén eliminar os excesos para garantir prestacións para todos ·· Garante os servizos de hemodinámica, medicina nuclear e radioterapia 

Galicia Hoxe

Unha década despois de que se iniciasen as xestións, baixo o mandato de Manuel Fraga na Xun­ta e Hernández Cochón na Consellería de Sanidade, ambos os dous presentes no acto, o hospital Lucus Augusti de Lugo quedou onte oficial­mente inaugurado. Foi o presidente da Xunta, Alberto Nuñez Feijóo, o encargado de presidir o acto oficial, afir­mando que este centro pú­blico será un "referente en Europa", á vez que rea­lizou un chamamento para o mantemento dos sis­tema público sanitario en Galicia.
O presidente da Xun­ta fixo fincapé na nece­sidad de promover "o uso racional" dos servizos sanitarios e o "uso diáfano e produtivo" dos recur­sos e apelou para que "en­tre todos" se busquen as máximas "eficiencias na xestión". Insistiu na de­fensa do catálogo prioriza­do de medicamentos da Xunta e efectuou unha chama­amento para que "todas as administracións e profe­sionais" sexan capaces de dotar de "racionalidade" o sistema e "eliminar excesos prescindibles", para poder garantir "unhas prestacións públicas", subliñou.
"Fago unha chamamento", agregou, "para manter a viabilidade do sistema sa­nitario público galego" e concluíu que "son as novas oportunidades que nos damos entre todos, como este hospital, as que lle per­mitirán á nosa terra liberarse das súas propias di­ficultades", asegurou.
Respecto dos servizos de hemodinámica, medicina nuclear e radioterapia, dos que aínda non dispón o Lucus Augusti, Feijóo resal­tou que este centro tamén será "un referente" nes­tas especialidades e anun­ciou que neste trimestre licitaranse estes tres equipa­mentos, para que, medici­na nuclear, radioterapia e hemodinámica sexan unha realidade funcional neste ano, o que evi­tará o traslado de nume­rosos pacientes de Lugo a outros centros hospitalarios de Galicia. O presidente galego felicitouse de que a Adminis­tración que preside fose capaz, "en plena crise", de abrir un hospital público "de referencia en Europa", a través dun edificio "mo­derno", tras "un esforzo contrarreloxo" para dotalo do equipa­mento máis moderno, cun investimento próximo ós 40 ­millóns de euros.