Farjas afirma que o novo hospital atenderá xa a mil persoas por día a partir do 29

A conselleira de Sanidade, Pilar Farjas, mantivo este venres en Lugo unha reunión co equipo directivo do novo hospital Lucus Augusti, que abrirá oficialmente as súas portas o vindeiro luns 22 de novembro, e participar no acto oficial de recepción da obra civil do edificio, que custou —incluídos os gastos de equipamento— uns 250 millóns de euros e ten 869 camas. Logo de visitar a área de Consultas Externas do complexo, anunciou que o centro atenderá xa a uns 5.000 pacientes na segunda semana de funcionamento.