O PSdeG alerta de que 420.000 galegos están en lista de espera

O Grupo Parlamentario Socialista no Parlamento galego mostrou o seu apoio á manifestación convocada para o domingo en Santiago en defensa da sanidade pública galega ante "a situación de risco" en que esta se atopa, dado que a conselleira do ramo, Pilar Farjas, é "un virus moi daniño" para ela. De feito, o voceiro de Sanidade, Modesto Pose, sinalou que a súa xestión ten "indignado e altamente preocupado" o seu partido.