Monforte: O BNG apoia a manifestación pola sanidade pública

O consello comarcal do sur de Lugo do BNG fixo público un comunicado no que manifesta o seu apoio incondicional á manifestación en defensa da sanidade pública que terá lugar hoxe en Santiago e anima aos veciños a sumarse a esta mobilización.

Tamén a plataforma en defensa da sanidade repartiu onte polas rúas do centro de Monforte folletos informativos anunciando a protesta contra a política sanitaria da Xunta. Para participar na manifestación, que sairá ao mediodía da Alameda compostelá, haberá servizo gratuíto de autobuses desde Monforte.