As dúbidas xurídicas sobre a creación dun catálogo de fármacos por parte da Administración autonómica que serían os únicos a financiar por Sanidade levaron aos populares a presentar emendas para modificar a súa propia proposición de lei e cambiala pola implantación dun catálogo «priorizado» dentro do nomenclátor do Sistema Nacional de Saúde. O deputado popular Miguel Santalices recorda que só se financiarán igualmente aqueles que se axusten ao menor prezo fixado pola Xunta, «e os que non se axusten non».
Os cambios na redacción do proxecto obedecen a un intento de aclarar que o catálogo non se aparta da listaxe do ministerio -que é o que ten competencias-, senón que prioriza unha serie de medicamentos, pero, iso si, seguirán sendo os únicos financiados, salvo excepcións por problemas de abastecemento, intolerancias ou porque no mercado non haxa xenéricos.
No hay comentarios:
Publicar un comentario