Si do Senado á nova Lei antitabaco con cubículos só nas salas de xogos

Todos os grupos agás o PSOE autorizan habilitar zonas que non supoñan o 30% do local e nos que non haxa traballadores.

A prohibición de fumar en todos os espazos públicos pechados será efectiva o 2 de xaneiro.

O Senado aprobou onte en pleno a reforma da lei antitabaco que, en contra do votado hai dúas semanas pola Comisión de Sanidade de dita Cámara, só permitirá habilitar zonas para fumadores ou "cubículos" os casinos, bingos e salas de xogo, e non ós bares e restaurantes como pedía o PP.
Ademais, tampouco se deu luz verde á moratoria para a entrada en vigor da norma que pedían os populares, polo que a prohibición de fumar en todos os espazos públicos pechados (salvo os anteriormente citados) será efectiva a partir do 2 de xaneiro de 2011, tal e como se acordou no Congreso dos Deputados, que dará a aprobación final á lei a próxima semana.