O mamógrafo do hospital de Monforte está avariado pero ten arranxo, segundo a dirección do centro. A CIG denunciara que o aparello está tan anticuado que xa non hai pezas para reparalo.
Fontes da dirección do hospital sosteñen que o previsto é que o mamógrafo sexa reparado esta mesma semana e piden que non se faga demagoxia con este tipo de asuntos. O mamógrafo, din, estrágase como calquera outro aparello polo seu uso continuado. A avaría fai preciso substituír unha peza que xa está solicitada ao fabricante. Mentres non volva entrar en servizo, as mamografías urxentes faranse «por outras vías».
No hay comentarios:
Publicar un comentario