Hoxe entra en vigor o prazo de dez días para propor a médicos eméritos

Os facultativos poderán ser eméritos durante un máximo de sete anos, ata os 72.

As corporacións e institucións públicas relacionadas co ámbito sanitario terán dez días a partir de hoxe para presentar as súas propostas para o nomeamento de médicos eméritos, que non poderán ser máis de tres. A Consellería de Sanidade puxo en marcha este ano por primeira vez esta figura que xa existe no ámbito universitario, e á que poderán optar médicos cunha traxectoria destacable. Os facultativos poderán ser eméritos durante un máximo de sete anos, ata os 72.