A plataforma sanitaria abordará coa delegada territorial da Xunta a situación do hospital

A plataforma sanitaria convocou onte unha rolda de prensa para agradecer o respaldo dos veciños de Monforte á mobilización que tivo lugar o pasado domingo en Santiago. Maribel García, portavoz deste colectivo, insistiu en que a súa actividade está desligada da política, con independencia de que haxa dirixentes que se somen ás manifestacións a favor da sanidade pública. «Ou que faga algo en favor do hospital comarcal terá ou noso apoio, sexa quen sexa», manifestou.

Maribel García referiuse ás declaracións «preocupantes» de cualificados representantes políticos do PP reivindicando o modelo das gardas médicas non presenciais, a pesar dos ditames en contra dos colexios profesionais. Segundo explicou, están á espera de concretar a data dunha reunión coa delegada territorial da Xunta, Raquel Arias, para abordar a problemática da área sanitaria do sur lucense.