Feijóo ataca o PSdeG por acusalo de privatizacións

Critica a incoherencia do PSOE por ir á manifestación a favor da sanidade pública e á vez vender parte dos aeroportos.       

Aínda que o presidente da Xunta, Alberto Núñez Feijóo, se queixou onte dos dous minutos que lle levou ó presidente Zapa­tero informar no Congre­so sobre o novo paquete de medidas que hoxe chega ó Consello de Ministros, a el déronlle para algo máis nunha valoración na que puxo en cuestión a oportu­nidade de dálas a coñecer xusto logo das elec­cións catalás, e a "in­coherencia" do PSdeG, por acusar a Xunta de priva­tizar servizos cando o Goberno "vende" infraes­truturas que son públicas. Feijóo atacou o PSdeG pola manifestación en contra da sanidade pública "cunha acusación falsa en con­tra dun Goberno" e contrapúxoa á confirma­ción do Goberno dese partido de que "ven­da o 49% dos dous gran­des aeroportos".