O PSdeG limita a Burela a súa denuncia sobre as primas a médicos por dar altas

O portavoz en materia sanitaria do grupo socialista, Modesto Pose, reclamou á Xunta que "abra unha investigación" para dicir "se é verdade ou mentira" a información revelada este mércores polo líder do PSdeG, Manuel Vázquez, sobre a aplicación dun sistema "de incentivos perverso" que se estaría aplicando no Hospital da Costa, en Burela (Lugo), para reducir as listas de espera.

"A información que nos chega é grotesca, de que se remunera de diferente forma segundo a decisión clinica que se tome", indicou Pose en declaracións aos medios. Segundo explicou, trataríase de que "se un paciente é enviado a casa e non se solicita unha proba complementaria, págase un prezo; e se ten outras consultas, hai menos remuneración para o médico".