O borrador de proposición de lei de racionalización do gasto na prestación farmacéutica da comunidade autónoma de Galicia que o PP negociará no Parlamento cos outros dous partidos da Cámara galega inclúe a obrigatoriedade de respectar o famoso catálogo de medicamentos, tanto por parte do persoal sanitario do Sergas como do das oficinas de farmacia.
Así o recolle o texto sempre que se trate dunha receita oficial, evidentemente, con financiamento a cargo dos orzamentos da comunidade. E neste catálogo incluiranse só os medicamentos de menor prezo en cada conxunto de fármacos de principio activo, sempre que estean no nomenclátor oficial do Sistema Nacional de Saúde.
No hay comentarios:
Publicar un comentario