Os médicos non saben que facer con 50.000 embrións conxelados

Gran parte das parellas desenténdese dos xermes sobrantes que pasan á disposición das clínicas, onde permanecen nun limbo legal, á espera de seren destruídos ou doados a outras persoas 

En España hai 50.000 embrións conxelados que non foron transferidos para provocar unha xestación e que permanecen nun "limbo lexislativo" á espera de que se tome unha decisión sobre a súa posible destrución, a súa doazón a parellas con problemas de fertilidade ou o seu uso para a investigación.

"Temos cincuenta mil embrións e non sabemos que facer con eles", recoñeceu o xinecólogo Pedro Caballero, director da Fundación Tambre, que constituíu o primeiro comité de ética dunha clínica de reprodución asistida creado en España.