Os recortes fan perigar as casas de acollida de doentes de VIH

Activistas e oposición reclaman á Xunta axudas para manter os centros de Vigo e Ourense

Preto dun centenar de persoas concentrouse onteante as dependencias da Xunta para denunciar que os seus “recortes” están “abocando ao peche” a dous das tres casas de acollida para afectados polo virus do sida en Galicia, en Vigo e Ourense, nas que se atende 15 pacientes. En declaracións aos medios, o coordinador do comité cidadán Antisida de Ourense, Agustín González, denunciou “un recorte presupostario que alcanza o 46%” e que pon “en situación de peche” as casas de acollida de Ourense e Vigo. Tras apuntar que contan cun total de oito pacientes terminais –catro deles encamados–, advertiu de que estas persoas “rematarán na rúa” se os centros pechan.