O Sergas contrata apoio para o mantemento do Lucus Augusti na súa apertura

O servizo de mantemento do novo hospital contará cun equipo de apoio, que ten como obxectivo minimizar os efectos de calquera posible interrupción ou alteración na prestación durante o proceso de apertura. Ese grupo encargarase de realizar o control das instalacións eléctricas de alta e baixa tensión, levando a cabo todas as operacións rutineiras e atendendo ás incidencias ou avarías que se poidan producir nos primeiros momentos de andaina do Hula.
O Sergas acaba de sacar a contratación o servizo por un importe de 83.246 euros para dúas mensualidades do 2011.As ofertas poderán presentarse ata o 10 de xaneiro do próximo exercicio.