O centro de saúde de Seoane do Courel leva sen calefacción máis dunha semana

A calefacción do centro de saúde de Seoane do Courel leva máis dunha semana estragada, segundo denunciou onte o PSOE local. Esta formación política reprocha á alcaldesa, Lola Castro, que o Concello tarde tanto en solucionar esta avaría e bótalle en cara tamén que os dous centros de saúde do municipio, en Seoane e Folgoso, sigan sen médicos que cubran os días libres dos seus dous titulares, o que fai que cando un deles non traballa o outro reduza á metade o horario de atención aos pacientes no seu centro de saúde.