O deputado do grupo socialista Abel Losada criticou hoxe a «privatización» do novo hospital de Vigo por parte da Xunta nunha operación que, segundo afirma, procurará «un beneficio do 10 por cento anual» para as empresas adxudicatarias agrupadas nunha unión temporal (UTE).
Losada apunta que a Xunta «podería facer a mesma obra perfectamente» a través da Sociedade Pública de Investimento, «aforrando os beneficios que percibirán as empresas privadas».
Cre que o Goberno galego «segue mentindo escandalosamente» ao redor da construción do novo hospital de Vigo ao «esquecer deliberadamente» un 18 por cento en concepto de IVE cando se fala do canon anual de 56,2 millóns de euros.
Estas cifras, explica Losada no comunicado, «elevan a cantidade anual ata os 70 millóns de euros e que supón un pagamento total de 1.400 millóns nos próximos 20 anos».
No hay comentarios:
Publicar un comentario