Farjas proclama na Rioxa que os xenéricos serán claves para garantir o futuro do sistema sanitario

Aposta por impulsar a investigación, a innovación e o investimento dentro da sanidade pública

A conselleira de Sanidade, Pilar Farjas, defendeu onte na Rioxa a importancia de potenciar a prescrición de xenéricos -e, xa que logo, da elaboración dun catálogo de fármacos- para garantir o futuro do sistema sanitario público. Neste sentido, sostivo que debe ser un obxectivo prioritario para a Administración traballar en pos da mellor atención posible aos cidadáns, coa vista posta na sustentabilidade do modelo público, especialmente nun contexto socioeconómico de crise como o actual.