A "irresponsabilidade" de Margaret Chan e Trinidad Jiménez na xestión da gripe A, "premios amargos 2010" á manipulación de enfermidade.
"A profesión médica está en crise e intoxicada polos departamentos de marketing dos laboratorios". Velaquí unha frase de premio. O que lle recoñecen ao seu autor -Ray Moynihan- a plataforma médica NoGracias e a asociación de estudantes de medicina Farmacriticxs por expoñer "a extrema influencia da industria na profesión sanitaria".Xunto a este experto -profesor e xornalista australiano-, a médica, teóloga e monxa beneditina española Teresa Forcades, protagonista do popular vídeo "Campanas pola gripe A", no que desentraña a verdade sobre a pandemia, os perigos da vacina e o currículo máis escuro dos laboratorios responsables desta.
No lado oposto, a directora xeral da Organización Mundial da Saúde (OMS), Margaret Chan; e a ex ministra española de Sanidade Trinidad Jiménez -hoxe responsable da carteira de Asuntos Exteriores- reciben unha laparada dos profesionais sanitarios polos erros e irresponsabilidades cometidos na xestión da tan temida pandemia de gripe A.
No hay comentarios:
Publicar un comentario