A plataforma Cidadá non conseguiu arrincar a Raquel Arias compromisos para mellorar o investimento da Xunta

A plataforma cidadá en defensa da comarca de Lemos valora cunha de cal e outra de area a súa recente reunión coa delegada da Xunta en Lugo. Dun lado, agradece a «boa disposición» de Raquel Arias ao «prestarse a un debate buscando o entendemento e a colaboración». Pero, por outra banda, reitera o seu «máis absoluto desacordo» cos orzamentos da Xunta para 2011 no relativo os investimentos para a comarca.