Un total de 201 traballadores dos hospitais provinciais que xestionaba a Deputación de Lugo integraranse no Servizo Galego de Saúde a partir de mañá, como consecuencia do traspaso ao servizo público da sanidade galega das infraestruturas hospitalarias que xestionaba o ente provincial.
O presidente da Deputación, José Ramón Gómez Besteiro, presidiu onte unha recepción de despedida ao persoal sanitario dos hospitais de San José, situado en Lugo capital, e San Rafael, localizado en Castro Ribeiras de Lea.
Desta forma, a Deputación lucense deixa de ser o único ente provincial galego que ata a data tiña encomendada a xestión de dous centros sanitarios.
Gómez Besteiro agradeceu a cada un destes profesionais o traballo desenvolvido ao longo destes anos e recordou que o proceso de consolidación das transferencias foi «longo», pero parafraseó o devandito de que «nunca é tarde se a dita é boa».
«A Deputación -dixo- non podía seguir mantendo as instalacións sanitarias. Estes non é ao que nos temos que dedicar, senón á cooperación cos concellos».
Tanto o persoal como os pacientes do hospital de San José xa se atopan en pleno proceso de recolocación no novo hospital de Lugo, en tanto que os pertencentes a San Rafael, que se ocupa á atención de ingresados con patoloxías psiquiátricas de longa estancia, recolocaranse no hospital de Calde axiña que como a consellería de Sanidade realice as reformas sanitarias.
No hay comentarios:
Publicar un comentario