13 DE MAIO DE 2010

13 DE MAIO DE 2010
13 DE MAIO DE 2010: GRAZAS!!!

NOTICIAS DA SAÚDE (EUROPA PRESS)

NOVAS DA SAÚDE

NOTICIAS GALIZA



NOVAS DE GALIZA:





22 mar 2011

Feijóo di que a verdade brillará por si mesma

Na inauguración do centro de saúde coruñés de Novo Mesoiro rexeita a "intoxicación" sobre a privatización do servizo público

 

Galicia Hoxe


O presidente da Xunta de Galicia, Alberto Núñez Feijóo, advertiu de que as acusacións da oposición sobre os supostos intentos de privatización da Sanidade pública galega por parte do Executivo autonómico non terán "moito percorrido" e, para iso, remitiuse ós novos hospitais públicos previstos. Ademais, anunciou a licitación "nas próximas semanas" de novos centros de saúde.
Na inauguración do novo centro de saúde de Novo Mesoiro, na Coruña, Feijóo remarcou onte que "a verdade é sempre resplandecente sobre as intoxicacións", en referencia ás denuncias sobre a posible privatización da Sanidade pública, e aludiu, en concreto, á execución do novo hospital público de Vigo ou ó proxectado en Pontevedra.
"O 50 por cento das camas serán novas nesta lexislatura", subliñou Feijóo, quen puxo tamén como exemplo da política sanitaria do Executivo galego a inauguración do novo centro de saúde de Mesoiro.
Así, o presidente da Xunta enmarcou esta inauguración na posta en marcha doutros centros de atención primaria en toda Galicia e sinalou que, ós centros de saúde xa en marcha, sumaranse "20 máis" que a Xunta licitará "nas próximas semanas", engadiu.
No acto, Feijóo defendeu tamén a construción "entre todos" dun "novo" Servizo Galego de Saúde apostando pola incorporación das novas tecnoloxías ó ámbito sanitario e por "racionalizar" o consumo de medicamentos, na mesma liña do discurso realizado pola conselleira de Sanidade, Pilar Farjas, quen volveu defender o catálogo de xenéricos da Xunta..

NO ANO 2009

Unha primeira pedra conflitiva
O alcalde da Coruña, Javier Losada, tivo palabras de recordo para o acto de colocación da primeira pedra do centro de saúde deste barrio, no 2009, e para as protestas veciñais que houbo durante este. Losada atribuíu aquelas protestas a veciños "intoxicados", en referencia ó feito de que o acusasen entón de pretender "encher este barrio de drogadictos e delincuentes" ou argumentasen "que as vivendas sociais eran para os de Penamoa", engadiu en referencia ós realoxamentos neste asentamento.

  

No hay comentarios:

Publicar un comentario