"Negocio" sanitario

Compostela acolle o domingo unha gran mobilización para rexeitar a entrada de capital privado no sector, que "hipotecará" o noso futuro e "minguará a calidade asistencial" 

Evitar que o funcionamento do sistema sanitario galego sexa inviable. Este é o obxectivo co que a Plataforma en Defensa da Sanidade Pública -integrada por catorce plataformas de toda Galicia, os tres sindicatos maioritarios (CIG, UGT e CCOO) e Satse, BNG e PSdeG e numerosas organizacións do ámbito sanitario- fai un chamamento a toda a cidadanía para participar na gran manifestación que ás doce da mañá deste domingo sairá da Alameda compostelá. A mensaxe é clara: toda Galicia debe rexeitar que a sanidade se converta nun negocio.