O ministerio de Sanidade publica a orde que reducirá o prezo dos fármacos a partir de marzo

A Xunta recorda que o atraso na súa entrada en vigor impedirá a Galicia aforrar 82 millóns de euros

O pasado mes de marzo o Ministerio de Sanidade comprometeuse a elaborar unha orde de prezos de referencia dos medicamentos que reduza o custo dos fármacos para as Administracións públicas e un ano despois, en marzo do 2011, farase efectiva esa política de contención.

A normativa que regula estes prezos publicouse onte no Boletín Oficial do Estado ( BOE ) e recolle varios cambios dispostos a rebaixar a factura farmacéutica do Estado, que supón un 25% dos orzamentos sanitarios. A principal modificación é como se calcula este prezo de referencia. Ata agora o Goberno tomaba os tres prezos máis baixos e a partir de aí facía unha media. Agora simplemente terase en conta o máis económico. «Seleccionarase a presentación do medicamento co custo/tratamento/día menor», recolle a orde.

O PP mantén o catálogo galego e a rebaixa de 100 millóns ao ano